Hoog , hoger , hoogst !!!

Machu Picchu , nie voe niet 1 van de 7 wereld woendern , tope me de gelieknamige klim vant schoonste da we al gezien en !!!

Achter u dagsje bekom i Cusco no Arequipa , doar u begeleide stadswandelienge gedoan e Jean ze 2de MTB tochtje ( nuts u 1700 meters no beneden spettern ) beest dak ik me nageltjes e loaten doen ( al is duze der nog nie ut ot u vint of u vrouwe was ) , vanier richtienge Titicaca meer ( Puno ) woar da we u tour gedoan en no drievende eilandjes .

E hup land nr 11e bin ( Bolivia ) via Copacabana , doar terechte gekom bie 1 van uze top 5e hostels La Cupula , op de platselijke markt inkopen gedoan en u lekker potje carbonara gemakt voe ton in u zalige hottub me zicht opt meer den avend perfect of te sluten !!! Voe de reste u kleine hike e wa luieren .

De dag nodien utgeslapen ( voer u ki ) en de bus genoom no La Paz , u stad die us nie echt ku bekoren mo de death road ( volgens de Jean de 2de grotste rush achter uit u vlieger sprieng ) en de omgevienge va las brujas woarn de max.

Nachtbus gepakt no Sucre en ier e we vooral gerust e wa biegewerkt wa da foto's betreft. We moen agliek maken da we me vulle batteriejn d'ontmoetienge me M&M kun agoan. Up no Tupiza en de zoetvlaktes dus !!!

C-ya later !!!